Jacobite Online

സമാധാനത്തിന്റെ  സന്ദേശവുമായി മലങ്കരയില് എഴുന്നള്ളി കാലം ചെയ്ത പരിശുദ്ധ ഏലിയാസ് ത്രിതീയന് പാത്രിയര്ക്കീസ് ബാവായുടെ 78-ാ ഓര്മ്മപെരുന്നാളിനു മഞ്ഞിനിക്കരയില് കൊടിയേറി.  പെരുന്നാള്‍ 13 വരെ നീണ്ടു നില്ക്കും.

പരിശുദ്ധന്റെ കബറിടത്തില് പ്രാര്‍ത്ഥിച്ച് അനുഗ്രഹം തേടാനായി നാടിന്റെ നാനാഭാഗങ്ങളില് നിന്നും എത്തുന്ന തീര്ഥാടകരെ വരവേല്ക്കാന് ഒരുക്കങ്ങള് പൂര്ത്തിയാകുന്നു. മധ്യപൌരസ്ത്യദേശം കഴിഞ്ഞാല് ഒരു പാത്രിയക്കീസ് ബാവായുടെ കബറിടമുള്ള ഏകസ്ഥലമാണിവിടം. യാക്കോബായസഭയുടെ ഏറ്റവും വലിയ കാല്‍നട  തീര്‍ത്ഥാടനകേന്ദ്രം കൂടിയാണിത്.  പരിശുദ്ധന്റെ അനുഗ്രഹം തേടി പതിനായിരക്കണക്കിനു വിശ്വാസികളാണ് പദയാത്രയായി എത്തുന്നത്.

ഫെബ്രുവരി ഏഴിന് എട്ടു മണിക്ക് ദയറായില് യൂഹാനോന് മോര്‍ മിലിത്തിയോസ്, ഗീവര്ഗീസ് മോര്‍ അത്താനാസ്യോസ്, മാത്യൂസ് മോര്‍ തെവോദോസിയോസ് എന്നിവരുടെ കാര്‍മ്മികത്വത്തില്‍ മൂന്നിന്മേല് കുര്ബാനയും തുടര്ന്ന് പാത്രിയര്ക്കാ പതാക ഉയര്ത്തും. അന്നേ ദിവസം എല്ലാ പള്ളികളിലും പതാകാദിനമായി ആചരിക്കും. പെരുന്നാളിനു തുടക്കം കുറിച്ച് വൈകിട്ട് ആറിനു ഓമല്ലൂര് കുരിശടിയില് കുര്യാക്കോസ് മോര്‍ യൂലീയോസ് പതാക ഉയര്ത്തും.

പെരുന്നാളിനോട് അനുബന്ധിച്ച് മൂന്നു ദിവസത്തെ കണ്‍‌വന്‍ഷന്‍  ഒന്പതിനു തുടങ്ങും. അന്ന് 7:30 ന് കണ്വന്ഷന്റെ ഉദ്ഘാടനം ഗീവര്ഗീസ് മോര്‍ ദീവന്നാസ്യോസ് നിര്‍വ്വഹിക്കും. ഗീവര്ഗീസ് മോര്‍ അത്താനാസ്യോസ് അധ്യക്ഷത വഹിക്കും. രാത്രി എട്ടിന് അലക്സ് തോമസ് കോര്‍എപ്പിസ്കൊപ്പയുടെ വചന പ്രഘോഷണം. പത്തിന് 7:30 ന് സഖറിയാസ് മോര്‍ പീലക്സീനോസിന്റെ സുവിശേഷപ്രസംഗം. 11നു ആറിന് വസ്ത്രദാനം, ഗാനശുശ്രൂഷ, 7:30 ന്  ഫാ. റെജി പൌലൂസിന്റെ വചനപ്രഘോഷണം.

.
പെരുന്നാളിന്റെ പ്രധാന ദിവസമായ 12ന്  7:30ന്  ഡോ.ഏബ്രഹാം മോര്‍ സേവേറിയോസ്, മാത്യൂസ് മോര്‍ അപ്രേം, ക്ലീമീസ് മോര്‍ കുര്യാക്കോസ് എന്നിവരുടെ കാര്‍മ്മികത്വത്തില്‍ മൂന്നിന്മേല് കുര്‍ബാന, മൂന്നിന് വിവിധ മേഖലകളില് നിന്നും എത്തുന്ന കാല്നട തീര്ഥാടകരെ ഓമല്ലൂര് കുരിശിന് തൊട്ടിയില് നിന്നും  സ്വീകരിച്ച് ദയറായിലേക്ക് ആനയിക്കും.

ആറിനു നടക്കുന്ന തീര്‍ത്ഥയാത്രാ സമാപന സമ്മേളനം മന്ത്രി പി.ജെ.ജോസഫ് ഉദ്ഘാടനം ചെയ്യും. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന് ബാവ അധ്യക്ഷത വഹിക്കും. പാത്രിയര്ക്കാ പ്രതിനിധി യൂഹന്നാ മോര്‍ ഗ്രീഗോറിയോസ് ഇബ്രാഹീം അനുഗ്രഹപ്രഭാഷണം നടത്തും. കുര്യാക്കോസ് മോര്‍ ഗ്രീഗോറിയോസ് പ്രഭാഷനം നടത്തും. സെന്റ് ഏലിയാസ് മെഡല്‍ദാനം ജോസഫ് മോര്‍ ഗ്രീഗോറിയോസും അവാര്ഡ് ദാനം യൂഹാനോന് മോര്‍ മിലിത്തിയോസും നിര്‍വ്വഹിക്കും. മോര്‍ സ്തെഫാനോസ് പള്ളിയില് 13 ന് പുലര്ച്ചെ മൂന്നിന് യൂഹാനോന് മോര്‍ മിലിത്തിയോസിന്റെ മുഖ്യകാര്മ്മികത്വത്തില് കുര്‍ബാന. 5:30 ന് ശ്രേഷ്ഠ കാതോലിക്കാ ബാവായുടെ മുഖ്യകാര്‍മ്മികത്വത്തിലും പൌലോസ് മോര്‍ ഐറേനിയോസ്, യാക്കൂബ് മോര്‍ അന്തോണിയോസ് എന്നിവരുടെ സഹകാര്മ്മികത്വത്തിലും മൂന്നിന്മേല്‍ കുര്‍ബാന. 8:30 ന് പാത്രിയര്ക്കാ പ്രതിനിധി യൂഹന്നാ മോര്‍ ഗ്രീഗോറിയോസ് ഇബ്രാഹീം കുര്‍ബാന അര്പ്പിക്കും. 10:30 ന് പ്രദിക്ഷണവും ആശീര്‍വാദവും  നടക്കും.

പത്തനംതിട്ട നഗരത്തില്‍ നിന്നും ആറു കിലോമീറ്റര് അകലെയാണു മഞ്ഞിനിക്കര ദയറ. ഓമല്ലൂര്, ഇലവുംതിട്ട വഴി ചെങ്ങന്നൂരിനുളള ബസ്സുകളില് മഞ്ഞിനിക്കര എത്താം.

ഫോണ് മോര്‍ ഇഗ്നാത്തിയോസ് ദയറ  0468-2353392, 2353192.

Web Site about Manjinikara Bava